21 жилийн дараа гурван ихэр хүү мэндэлжээ

Дорнод аймгийн Хэрлэн сумын 10 дугаар багийн иргэн Гантөмөрийн Баттулга, Түмэнжаргалын Оюунномин нар сар орчмын өмнө бүл нэмж гурван ихэр хүүхэдтэй болжээ. Ийнхүү Дорнод аймагт 21 жилийн дараа гурван ихэр мэндэлсэн нь энэ юм. Хүүхдүүдийн ээж хоёр дахь төрөлтөөрөө ийнхүү гурван ихэр төрүүлсэн бөгөөд тэд удам залгах хөвгүүд ажээ. Ихрүүд 2.3, 2.4, 1.7 кг жинтэй төржээ. Эцэг эх нь тэдэнд Баттүшиг, Батхишиг, Бат-Орших хэмээх нэр хайрласан байна. Ихрүүд Улаанбаатар хотноо ЭНЭШТ амаржаад нутагтаа иржээ. Одоогоор тэдний биеийн байдал хэвийн байгаа бөгөөд өрхийн эмнэлэгийнхээ хяналтад байгаа гэнэ. Ихрүүдийн аав ээж МАК компанид ажилладаг бөгөөд одоогоор уурхай түр зогссон учир ажилгүй байгаа. Тэднийх 10 багийн харъяа Хивсний хамгийн арын эгнээнд байдаг учир эмнэлэг үйлчилгээнээсээ зайдуу юм билээ. Монгол гэрт амьдардаг тэдэнд хүүхдүүдээ тав тухтай өсгөх боломж бүрдээгүй гэнэ. Энэ тал дээр өрхийн эмнэлгийнхэн болон багийн дарга нар санаа тавьж Их хурлын гишүүдэд дуулгасан гэнэ. Шинэ хуулиар гурван ихэр тус бүрд нь гурван сая төгрөг олгох хуулийн заалт бий гэж багийн Засаг дарга нь хэлжээ. Үүн дээр нь жаахан л дэмжээд өгөх юм бол байртай болох боломж харагдаж байна хэмээн нутгийн иргэд ярих болжээ. Иймээс Дорнод аймгийн Сэтгүүлчдийн эвлэлээс санаачлан гурван хүүг байртай болгох уриалгыг нийт Дорнодчууддаа хандан гаргасан байна. Монголын үрс маш олон болтугай.

Хандивийн данс: Гантөмөрийн Баттулга хүүхдүүдийн аав. ХААН банк: 5405576308

Хүүхдүүдийн ээж Түмэнжаргалын Оюунномин Голомт банк: 47092831473