Ханбогдоос ховор сонин чулуу олджээ
Өмнөговь аймгийн Ханбогд сумын нутагт Оюу толгойгоос чанх урагш 20 км орчимд эртний ховор содон хадны зурагтай хос чулуун толгод олдсон байна. Энэ талаархи мэдээллийг судлаач Г.Аким Соёл спорт аялал жуулчлалын яаманд хүргүүлсэн бөгөөд эдгээр зургуудыг яаралтай хамгаалах шаардлагатай байгаагаа уламжилжээ. Учир нь Ханбогд сумын нутагт төмөр зам тавих ажил хийгдэж байгаа бөгөөд төмөр зам байгуулж буй ажлын явцад хадны зураг бүхий чулуун толгодыг сүйтгэж болзошгүй байгаа аж. Тиймээс яаралтай арга хэмжээ авч тус газарт тэсэлгээ хийхгүй байхыг хүссэн байна. Тус хадны зураг нь Монголд өмнө нь олдож байгаагүй ховор зураг юм байна. Тиймээс яаралтай хамгаалж, төмөр замын зургийг энэ хадны сүг зургаас холуур тойруулах шаардлага үүсээд байгаа аж. Харин ССАЖ-ын сайд Ц.Оюунгэрэл "Бид удахгүй хамгаалалтын баг явуулж хадны зургуудыг нэмж судлуулна" гэдгээ мэдэгджээ. Одоогоор тус газарт тэсэлгээний бэлтгэл хийсэн бололтой, шон хатгасан байгаа аж. Шонгийн эргэн тойронд буусан тоосыг арчиж үзэхэд доороос нь содон сонин хадны бичээсүүд тодрон гарч байгаа аж.
Холбоотой мэдээ
Сэтгэгдэл ( 2 )
Төмөр зам дайрах трасаар хуулийн дагуу урьдчилаад Археологийн хайгуул хийгдсэн байх ёстой.Тэгэхлээр замд нь өртөхөөргүй газарт хадны зураг байх ёстой. Эсвэл тэр археологийн хайгуул хийсэн хүмүүс нь ажлаа муу хийсэн байж болох юм. Яам нь тогтоох байлгүй дээ.
zow