Допинг хэрэглэсэн бөхийн хөгжөөн дэмжигчдийг шийтгэв

Улсын хоёр начны шээснээс допинг илэрсэн ч эрхэм бөхчүүдийг биш хөгжөөн дэмжигч, эмч, массажист, туслах, шавь зэрэг зургаан хүнийг шийтгэв. Яг ийм зүйл болоогүй ч яах аргагүй зүйрлэж адилтгаж болмоор явдал гадаадад биш дотоодод, Африкт бус Монголд болоод байна. УИХ-ын 2012 оны сонгуульд Увсын тойрогт нэр дэвшсэн Ч.Хүрэлбаатар, Б.Чойжилсүрэн нарын туслах, нэг ёсондоо гүйцэтгэж хэрэгжүүлсэн гар хөлүүдийг нь сонгууль луйвардсан гэм бурууг нь шүүх тогтоож, шийтгэсэн юм. Жанжин Сүхбаатарын дүр “Өглөө” кинонд хэлдэгчлэн жинхэнэ эзэд нь байсан ч гишүүний бүрэн эрхтэй болж амжсан учраас санаж сэдсэн толгойноос тусад нь  үе мөчтэй нь хариуцлага тооцох нь ч аргагүй. Хулгай хийсэн хүнийг нь зүгээр, хурууг нь муу гэсэнтэй ялгаа үгүй. Шадар туслахууд нь Увсад нээх олон гэр нэгэн зэрэг түрээсэлж кайф аваагүй, хоёр дэвшигчдээ санал татахын тулд мөнгө өгсөн нь гарцаагүй боловч одоог хүртэл допинг хэрэглэсэн улс төрийн наадмын бөхчүүд цол, чимгээ хураалгаагүй, дэмжсэн, дээлийн захыг нь мушгисан хүмүүс өмнөөс нь торгуулсан билээ. Улс төрийн биш улсын наадамд допинг хэрэглэсэн нь хожим нь тогтоогдвол цол чимгээ хураалгадаг болохоос Төв цэнгэлдэхэд дэмжиж суусан, халуун савтай цай, дээлийг нь зөөсөн хүн ямар нэг юман байдлаар хариуцлага хүлээдэггүй. Допинг, ёс зүйн зөрчилтэй хатуу тэмцэж байсан Үндэсний бөхийн холбоонд ч улс төрийн барилдаанаас буруу жишиг халдварлаж байна. Улсын арслан Х.Мөнхбаатар, начин Б.Сугаржаргалд нарт хатуурхаж байснаа заан Б.Соронзонболдын хувьд зөөлдүүлэв. Улсын наадмаар, аль халуун зунаар Төрийн наадмын торгон дэвжээн дээр арслан Г.Эрхэмбаярт өвдөг шороодсон хор шарандаа нүүр лүү нь цохисон зааны барилдах эрхийг намар шувтарч, өвөлтэй золгох үеэр хоёр сарын туршид барилдах эрхийг нь хассан. Тэр хооронд барилдаан болох ч юм бил үү, тэр хооронд заан угаасаа зодоглохгүй өнжих ч байсан юм бил үү? Тэр хооронд гэснээс Увсын маргаан шүүхээр явсаар...Илүү ихийг энд дарж