“Швед дэх Монголчуудын өдөрлөг” ирэх бямба гаригт болно

Монгол Улсаас Шведийн Вант Улсад суугаа ЭСЯ, Швед дэх Монголчуудын Үндэсний Холбоо, Швед дэх Монголчуудын Холбоо, Монголын Залуучуудын Холбооны Швед дэх Салбар зөвлөл хамтран “Швед дэх Монголчуудын өдөрлөг”-ийг энэ сарын 09-ний бямба гарагт Стокхольм хотод зохион байгуулахаар болжээ.

Өдөрлөгийн үеэр Швед дэх монголчуудын шатрын аварга шалгаруулах тэмцээнийг зохион байгуулах бөгөөд Элчин сайд З.Алтай монгол иргэдтэй уулзалт хийх аж.

Мөн ЭСЯ-ны ажилтнууд Швед улсын татварын тогтолцооны талаар танилцуулж, хөдөлмөрийн гэрээнд хамрагдан ажил эрхэлж байгаа монгол иргэдийн татвар төлөлт, түүний буцаалтыг хэрхэн авах талаар дэлгэрэнгүй мэдээлэл, зөвлөгөө өгөх юм байна.