“Шэньхуа”-д тэрбум тонн нүүрс экспортлохоор болжээ

Төрийн өмчийн "Эрдэнэс Тавантолгой" компанийн захирал Я.Батсуурийн мэдээлснээр "Тавантолгой"-н ай савд нүүрс олборлодог гурван монгол компани Хятадын "Шэньхуа групп" корпорацид ирэх 20 жилд нэг тэрбум тонн нүүрс экспортлохоор зөвшилцжээ. "Эрдэнэс Тавантолгой" хувь нийлүүлсэн компани, "Монголиан Майнинг" корпораци болон "Тавантолгой" хувь нийлүүлсэн компани "Шэньхуа"-тай харилцан ойлголцлын санамж бичигт гарын үсэг зурсан байна. Тус гурван компанийн нийлүүлэх нүүрс одоогийн ханшаар 50 тэрбум доллар хүрэх аж. Дээрх баримт бичиг дагуу 6.4 тэрбум тонн нүүрсний нөөцтэй "Тавантолгой"-н ай савд үйл ажиллагаа явуулж буй компаниудыг урт хугацааны худалдан авагчаар хангана. Хорин жилд нэг тэрбум тонн нүүрс тээвэрлэнэ гэдэг нь жилд дунджаар 50 сая тонн нүүрс нийлүүлнэ гэсэн үг аж. Энэ нь Монголын тус гурван компанийн энэ онд экспортлох нүүрснээс 18 сая тонноор буюу бараг гурав дахин их хэмжээ юм байна.