Үндэслэлгүй төлбөрт үйлчилгээг олон нийтэд зарлана

УБЦТС компани нь хууль бусаар төлбөрт үйлчилгээ нэвтрүүлж, хэрэглэгчийг хохироосон үйлдэл гарсан байна. Тэдний энэхүү хууль бус үйлдлийг таслан зогсоохоор албаныхан хэлэлцэж эхэлсэн гэх мэдээлэл байгаа юм. Тус компани нь хууль зөрчиж 386 төрлийн төлбөрт үйлчилгээг иргэдэд үзүүлж, жилд тэрбум төгрөгийн ашиг олдог байсныг Эрчим хүчний зохицуулах хороо, Хэрэглэгчийн эрх ашгийг хамгаалах нийгэмлэгүүдийн нэгдсэн холбооноос тогтоосон талаарЗууны мэдээ сонинд мэдээлжээ. УБЦТС компани нь цахилгаан дулааны үнийг Эрчим хүчний зохицуулах тогтоох тухай, Эрчим хүчний хуулийг зөрчин тушаал гаргаж төлбөрт үйлчилгээ  зохиодог байсан байна. Тиймээс үндэслэлгүй төлбөрт үйлчилгээнүүдийг ойрын хугацаанд цуцалж, олон нийтэд зарлахаар болсон аж.  Тэгэхээр иргэд тус газраас хэрхэн төлбөрт үйлчилгээ авч хохирч байсан нь удахгүй олон нийтэд ил болох нь. Харин иргэдэд хохирол учруулсан байдалд нь хэрхэн хариуцлага тооцож, иргэдийн хохирлыг хэрхэн барагдуулахыг харах үлдэж байх шиг байна.