Автобусны 200 зогсоолыг шинэчилнэ

Автобусны зогсоолыг шинэчлэхээр болжээ. Нийслэлийн нийтийн тээврийн газар, Худалдаа хөгжлийн банк, Захирагчийн ажлын алба, Авто замын газар хамтран автобусны зогсоолыг тохижуулах дөрвөн талт гэрээ байгуулжээ. Хотын төвийн 20 зогсоолд урсдаг дэлгэц, чиглэлийн маршрутыг харуулсан шилэн самбар байрлуулсан байна. Гэрээний дагуу 200 автобусны зогсоолыг шинэчлэх бөгөөд хотын захын дүүргүүдэд зарим нэг  ажил хийгдэхгүй гэнэ. Гар хорооллын зогсоолд хяналт байдаггүй учир ийм зогсоол хийхэд хүндрэлтэй гэжээ.