Батаагийн эгдүүтэй охин “аавыгаа санахаараа”

Хошин урлагийн салбарын хамгийн эрэлттэй жүжигчин бол СТА "Мөрөөдлийн театр"-ын жүжигчин Батаа буюу Д.Баттөмөр юм. Тэрбээр "Х түц" продакшн хэмээх овгоо сольсон нь ч зөв сонголт байсан бололтой. Уран бүтээлч найзуудын хамт дэлгэцийн бүтээлд хүч үзэхээс гадна, шоу драмын төрлийн жүжгийг анх удаа тайзнаа тавиад байгаа. Тус театрын нүүр царай, имиж нь "банш" Батаа гэхэд нэг их буруудахгүй байх. Батаагийн гэр бүлийнхнийг хоорондоо адилхан гэх хүмүүс цөөнгүй байдаг бөгөөд аргагүй заяаны хосууд хэмээн яридаг. Гадаад дүр төрх, хөгжилтэй инээдээрээ "брэнд" хийж яваа жүжигчин Батаагийн охин нь аавдаа амь бөгөөд тоглолттой гэртээ ирээгүй байхад нь санаад плакат буулгаад хамт унтдаг байна. Түүний өхөөрдөм охин, гэргий Г.Булгантамир хоёр нь Батаагийн улаан фенүүд бөгөөд хамгийн сайн дэмжигчид байж чаддаг байна.