“Х-Түц” продакшны жүжигчин А.Туяа нүцгэн биеэ “худалдав”

Жүжиглэх ур чадвар, бүтээсэн дүрээсээ илүүтэй царайлаг төрх, гоолиг биеэрээ “од” болсон “Х-Түц” продакшны жүжигчин А.Туяа эрчүүдийн хувьд ёстой л “амтлаг жимс” гэнэ. Бие галбирыг нь гайхалтай сайхан тодотгосон тачаангуй загварын хувцсаар гоёдог түүнд эротик кинонд тоглох санал их ирдэг ч одоогоор хүлээж авсан зүйл байхгүй гэх. Харин нүцгэн зургаа авахуулах тухайд бодож санасан юмгүй шуудхан л зөвшөөрч “Playboy” сэтгүүлийн нүүрэнд заларчээ. Тэрбээр таван сая төгрөгөөр ийнхүү нүцгэлсэн гэж хэвлэлийнхэн мэдээлж байгаа ч “Тэр бол худлаа. Үнэ хөлсийг тодорхой хэмжээгээр тохирсон. Харин миний зургуудыг худалдаж авах хүн олон байгаа юм билээ” гэж өөрийгөө хальт сурталчлаад авсан. Юутай ч, сүүлийн үед олны хайр талархлыг хүлээж, харцыг нь булааж яваа сайхан бүсгүйчүүд мөнгөний үнэрт автаж, нүцгэн биеэ “худалдах” нь олширлоо. Тэд мөнгөөр дутагдаж гачигдаад нууц бүхнээ ил гаргах дээрээ тулав уу гэхээр үгүй. Энгэр чангатай Монгол бүсгүйн цэвэр ичимтгий зан энэ цагт мартагдаж, мөнгө хараад нүцгэн биеэ олон нийтэд харуулах нь байтугай нүдээ ухаад өгөхөөс ч буцахааргүй болсон эрээгүй хүүхнүүдийн гяланцаг төрх моодонд орж байх шиг. Магадгүй тэд нүцгэн бие, будмал төрхөөрөө олонд танигдахаар яардаг нь ямар ч хамаагүй аргаар мөнгө олох хүсэлтэй нь холбоотой биз ээ.

Р.Есүй