Дөрвөн хүн дайрч хөнөөсөн захирал хорих ял сонсчээ

Өмнөговь аймгийн Ноён суманд уул уурхайн компанитай Б.Алтангэрэл гэгч этгээд өнгөрсөн намар дөрвөн хүнийг гэртэй нь хамт дайрч хөнөөсөн аймшигт хэрэг гарсан. Хөлчүү захирал бусдын машиныг жолоодож явахдаа тус аймгийн Баяндалай сумын нутаг, Хөх толгой гэдэг газарт намаржиж байсан иргэн О-ын гэрийг дайрчээ. Тухайн үед уг гэрт байсан гэрийн эзэгтэй хүүгийн хамт, мөн ээлжийн амралтаараа ирсэн хоёр хүн амиа алдсан бөгөөд өнгөрсөн есдүгээр сарын 9-нд болсон уг хэргийн мөрдөн байцаалт сая дууссан байна. Тиймээс аймгийн сум дундын шүүхээс Б.Алтангэрэлд чанга дэглэмтэй хорих ангид ял эдлэх, мөн таван жил автомашин жолоодох эрхийг нь хасах шийтгэл хүлээлгэжээ. Хэрэгтэн уг хэргийг “Ланд ровер Дисковери” маркийн машинаар үйлдсэн гэнэ.

Р.Есүй