Сэтгүүлчид АНУ-д амжилттай суралцаад ирлээ

Автор | Zindaa.mn
2013 оны 02 сарын 21

Монгол Улсын Ерөнхийлөгчийн Тамгын газраас санаачлан Монголын хэвлэл, мэдээллийн байгууллагуудын 14 сэтгүүлчийг АНУ-д зохион байгуулсан англи хэлний мэдлэг, сэтгүүлчийн мэргэжил дээшлүүлэх нэг сарын хугацаатай сургалтад  амжилттай хамрууллаа. Уг сургалтыг Олон улсын боловсролын Америк дахь консул /American Councils for international education/ байгууллагын хөтөлбөрийн дагуу явуулсан юм.

Сэтгүүлчид 2013 оны нэгдүгээр сарын 15-наас хоёрдугаар сарын 15 хүртэл бүтэн нэг сарын хугацаанд АНУ-д суралцаж, хэвлэл мэдээллийн мэргэжлийн чиглэлээр англи хэл эзэмшиж, Америкийн хэвлэл мэдээллийн тэргүүлэх байгууллага болох CNN, NBC, Washington Post зэрэг байгууллагад дадлага хийж мэдлэг боловсролоо дээшлүүллээ. Тэд дэлхийн 48 орноос ирсэн мэргэжил нэгт сэтгүүлчидтэй нэг анги танхимд суралцаж, хамтдаа оюутны байранд байрласан юм.  Мөн АНУ-ын Ерөнхийлөгч Б.Обамагийн тангараг өргөх ёслолд оролцон мэдээ, сурвалжлага бэлтгэсэн байна.
 

“Олон улсын боловсролын Америк дахь консул” нь АНУ-ын Вашингтон хотод байрлах олон улсын ашгийн бус байгууллага  бөгөөд дэлхийн 25 улсад салбартай, мэдлэг боловсролтой, өрсөлдөх чадвартай боловсон хүчнийг дэлхий дахинд бэлтгэх уриатай ажилладаг юм.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top