Замын-Үүдийн “Хадгаламж” банкийг гар буугаар зэвсэглэсэн эмэгтэй дээрэмджээ

Дорноговь аймгийн Замын-Үүд суманд "Хадгаламж" банкны салбараас их хэмжээний мөнгө дээрэмдсэн хэрэг гарсан учраас тус банк гүйлгээ хийхгүй байгаа хэмээн эх сурвалж мэдээлсэн. Өчигдөр 19.00 цагийн үед гарсан уг хэргийг эмэгтэй хүн үйлдсэн байна. Нүүрэндээ баг зүүсэн шар үстэй эмэгтэй гар буу тулган сүрдүүлж 2 сая орчим төгрөгийг дээрэмджээ. Одоогоор гэмт этгээдийг эрэн сурвалжилж байгаа юм байна.