Монголчууд Цагаан сараар хэчнээн ширхэг бууз иддэг вэ?

Ирж буй цагийг угтан золгодог Сар шинийн баярын гол хоол бол бууз билээ. Тэгвэл бид Сар шинийн өдрүүдэд нийт хэчнээн бууз иддэг бол? Үүнийг ерөнхий байдлаар тооцоолж үзье. 

Цагаан сарын баярын өдрүүдэд нэг айл дунджаар 500-1000 орчим бууз хийдэг гэж бодъё. Манай улсад ойролцоогоор 900 мянган орчим өрх байдаг бөгөөд бид хамгийн багадаа нийт 450 сая ширхэг бууз, хамгийн ихдээ 900 сая ширхэг бууз хийдэг байна. 

Буузаа хамтдаа бэлтгэх нь тухайн гэр бүл, овог удмын эв нэгдэл, хамтын ажиллагааг сайжруулж, халуун дулаан уур амьсгалыг бий болгодог. Ингээд буузны тухай сонирхолтой баримтуудаас хүргэж байна.