АНУ Газын зурваст гал зогсоох дэглэмийг сахиулахаар цэргээ илгээнэ

АНУ Газын зурваст гал зогсоох тухай тохиролцоог сахиулах зорилгоор Израилд 200 цэрэг илгээх тухай Associated Press агентлаг мэдээлжээ.

Олон улсын багт АНУ-ын түнш орнуудын цэрэг болон төрийн бус байгууллага, хувийн компаниудын төлөөлөгчид орох аж. АНУ-ын эрх баригчид Израилд Цэрэг, иргэний зохицуулах төв байгуулах ба эл төв нь Газын зурваст хүмүүнлэгийн тусламж нийлүүлэх ажлыг зохицуулж, ложистик, аюулгүй байдлыг хангахад нь туслалцаа үзүүлнэ.

Ройтерс агентлагийн тодруулснаар, АНУ-ын цэргүүд Газын зурвасын нутаг дэвсгэрт шууд байрлахгүй. Тус агентлагийн мэдээллээр, олон улсын багт Египет, Катар, Турк болон АНЭУ-ын цэргүүд багтана.