Олимпын Таеквондогийн ААШТ Монголд зохион байгуулагдана

Олимпын оноо олгох олимпын таеквондогийн Ази тивийн аварга шалгаруулах тэмцээн ирэх онд Монгол Улсад зохион байгуулагдахаар боллоо.

Тодруулбал, энэ сарын 24-ний өдөр Малайз улсын Кучинг хотноо Азийн таеквондогийн холбооны Удирдах зөвлөлийн гишүүдийн хурал болон Ерөнхий чуулган зохион байгуулагдаж байна.

Энэхүү хурлаар Монгол улс Катар улстай өрсөлдөн ялснаар тэмцээн зохион байгуулах эрхээ авлаа. Ингэснээр Насанд хүрэгчдийн тулаан, пүмсэ болон пара таеквондогийн төрлөөр эх орондоо зохион байгуулж буй анхны томоохон тэмцээн болж байгаагаараа онцлогтой юм. Энэхүү хуралд Монголын таеквондогийн холбооны ЕНБД Н.Эрдэнэбаатар төлөөлөн оролцож байна.