Засгийн газар хуучин бүрэлдэхүүнтэйгээр ХУРАЛДАЖ БАЙНА

Засгийн газрын өнөөдрийн (2025.06.04) хуралдаан хуучин бүрэлдэхүүнтэйгээр 11:00 цагт эхэллээ. Өнөөдрийн хуралдаанаар Татварын ерөнхий хуульд нэмэлт, өөрчлөлт оруулах тухай хуулийн төсөл, “ТЭЦ-3” дулааны цахилгаан станцад гарсан ослын шалтгаан, үр дагаварын талаар зэрэг нийт 28 асуудал хэлэлцэнэ. 

Дараагийн Засгийн газар байгуулагдах хүртэл одоогийн бүрэлдэхүүн үйл ажиллагаагаа үргэлжлүүлэх юм. 

Өнөөдрийн хуралдаанаар: 

• Хувийн нэмэлт тэтгэврийн даатгалын тухай анхдагч хуулийн төсөл,
• Татварын ерөнхий хуульд нэмэлт, өөрчлөлт оруулах тухай хуулийн төсөл,
• Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай хуулийн төсөл,
• Хувь хүний орлогын албан татварын тухай хуульд нэмэлт, өөрчлөлт оруулах тухай хуулийн төсөл,
• Нэмэгдсэн өртгийн албан татварын тухай хуулийн шинэчилсэн найруулгын төсөл,
• Нийгмийн даатгалын ерөнхий хуульд нэмэлт, өөрчлөлт оруулах тухай хуулийн төсөл болон дагалдах бусад хуулийн төсөл,
• Хөдөлмөрийн тухай хуульд нэмэлт оруулах тухай хуулийн төсөл,
• “ТЭЦ-3” дулааны цахилгаан станцад гарсан ослын шалтгаан, үр дагаварын талаар зэрэг 28 асуудал хэлэлцэж байна.