Чөлөөт бөх I Б.Батбаяр улсын аваргад анх удаагаа түрүүллээ

З.Тэмлүүн | Zindaa.mn
2025 оны 01 сарын 21

Бөхийн чөлөөт барилдааны Улсын аварга шалгаруулах тэмцээн хоёр дахь өдрөө үргэлжилж байна. 

Тэмцээний эрэгтэйчүүдийн 74 кг-ын жинд “Дархан Хасу Fohow” клубийн бөхчүүд болох Б.Батбаяр, Э.Төгсжаргал нар үзүүр, түрүүнд шалгарлаа. Б.Батбаярын хувьд Насанд хүрэгчдийн УАШТ-ий 74 кг-д хоёр жил дараалан финалдаж, энэ удаад анхны түрүүгээ дархлав.

Харин өсвөр үе болон залуучуудын УАШТ-ий тус бүр гурван түрүүтэй Э.Төгсжаргал өнгөрсөн оны Насанд хүрэгчдийн УАШТ-ий 70 кг-д зодоглож хүрэл медаль хүртсэн бол энэ удаа 74 кг-д үзүүрлэлээ.

Хүрэл медалийг “Тэх Мөнх” клубийн бөх М.Толуй, “Хилчин” спорт хорооны тамирчин Ш.Дэлэг нар гардав.

74 кг-ын дүн:

1. Б.Батбаяр (Дархан Хасу Fohow)

2. Э.Төгсжаргал (Дархан Хасу Fohow)

3. Ш.Дэлэг (Хилчин)

3. М.Толуй (Тэх Мөнх)
 

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top