Их Британийн тагнуул: Хятадын 55 тэнгисийн цэрэг амиа алдсан

Хятадын цөмийн шумбагч онгоц Шаньдун муж орчим Шар тэнгист осолдсоны улмаас 55 тэнгисийн цэрэг амиа алдсан тухай “Daily Mail” хэвлэл Их Британийн тагнуулын албаны тайланг эш дурдан мэдээлжээ.

Тус албаны мэдээллээр, осол наймдугаар сарын 21-ны өдөр орон нутгийн цагаар 08.12 цагт болжээ. Хятадын 107 м урт шумбагч онгоц АНУ-ын шумбагч онгоцнуудад зориулж тавьсан гинж, зангуугаар хийсэн занганд оржээ. Үүний улмаас 55 тэнгисийн цэрэг амиа алдсан байна. Багийн гишүүдийг хүчилтөрөгчийн системд алдаа гарсны улмаас амиа алдсан байж болзошгүй гэж үзэж байна. “Type 093” төрлийн шумбагч онгоц торпедо, дуу багатай “сүнс” гэгддэг хөдөлгүүрээр тоноглогдсон байдаг.

Шумбагч онгоц осолдсон тухай хараат бус нотолгоо одоогоор гараагүй байна. БНХАУ-ын зүгээс хөлөг онгоц осолдсон мэдээллийг няцаажээ.