И.Дунаевскийн нэрэмжит уралдаанд оролцох Монголын дуулаачид Москвад очжээ

Энэ сарын 17-22-нд ОХУ-ын нийслэл Москва хотод болох Исаак Дунаевскийн нэрэмжит Олон улсын дулаачдын уралдаанд оролцох Монголын дуулаачид хойд хөршийн нийслэлд очжээ.

ОХУ-ын Ерөнхийлөгчийн ивээл дор болдог тус наадамд дуулах урлагт дөнгөж хөл тавьж буй бага насны хүүхдүүдээс эхлээд дэлхийн томоохон театруудын нэрт гоцлол дуулаачид чансаагаа сорьдог аж.

Өнгөрсөн жил тус наадамд оролцсон Улсын филармонийн гоцлол дуучин Б.Дэлгэрбаяр гурван номинацид тэргүүн байр эзэлж, Гран при атгасан бол энэ жил тус наадамд оролцох дуучид болон бяцхан дуулаачид Москвад очоод байна.