Д.Лхамсүрэн Гүйлттэй буудлагын холбоонд удирдах алба хашна

З.Тэмлүүн | Zindaa.mn
2022 оны 12 сарын 02

Египетийн нийслэл Каир хотод Олон улсын буудлага спортын холбооны 70 дахь удаагийн их хурал болж байна.

Монгол Улсаас Монголын буудлага спортын холбооны ерөнхийлөгч Э.Мөнх-Очир, Ерөнхий нарийн бичгийн дарга О.Энхсайхан, Гавьяат дасгалжуулагч Л.Ундралбат, Олон улсын болон Азийн буудлагын холбооны Эмнэлэг, допингийн эсрэг комиссийн гишүүн Н.Цогтсайхан нар  тус хуралд оролцож байгаа юм. 

Тус холбооны Ерөнхийлөгчийг сонгох сонгууль болоход Итали улсын иргэн Лучиано Росси 53 саналаар ялалт байгуулсан бол Ерөнхий нарийн бичгийн даргаар Герман улсын иргэн Вилли Грилл томилогдов.

Энэ үеэр Олон улсын буудлага спортын холбооны салбар зөвлөлийн даргыг сонгоход Дамдинсүрэнгийн Лхамсүрэн Таргет спринтийн зөвлөлийг удирдахаар боллоо.

Тэрбээр буудлага спортын Ази тивийн аваргын хошой мөнгө, нэг хүрэл медальтай бөгөөд тус албан тушаалд томиологдсон анхны монгол хүн юм.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top