ДОРНЫН ЗУРХАЙ: Үс засуулбал эд мал баялаг төгөлдөр болно

Аргын тооллын 9 сарын 28, Буд гараг. Билгийн тооллын 3

НАМРЫН ДУНД ШАРАГЧИН ТАХИА САРЫН ХОЁР ХАР ХӨХ БИЧ ӨДӨР

• Үс засуулвал: Эд мал баялаг төгөлдөр болно.
• Наран ургах, шингэх: 06.47-18.39
• Барилдлага: Үл зохилдох
• Шүтэн барилдлага: Төрөхүй
• Суудал: Ус

Салхины эх одтой, хөх бич өдөр. Энэ өдөр хулгана, луу жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба хараал, жатхыг буцаах, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийхэд муу.

Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал эд, малтай баялаг төгс болно.