Альберт Батыргазиев энэ сарын 11-нд мэргэжлийн боксын тулаантай
Токио олимпын аварга, ОХУ-ын боксчин Альберт Батыргазиев энэ сарын 11-нд Уфа хотноо мэргэжлийн рингэнд тулалдана. Энэ нь түүний олимпын дараахь анхны тулаан болох юм.
Альберт (3-0, КО 3) Башкортостаны Үндэсний баярт зориулсан "Париматч. Вечер профессионального бокса" тэмцээнд албани гаралтай итали боксчин Лазе Суаттай (25-7-1, КО 7) “WBO European” бүсийн төлөө өрсөлдөнө.
Альберт Батыргазиев мэргэжлийн рингэнд хамгийн сүүлд хоёрдугаар сард тулалдаж, ӨАБНУ-ын Сибусисо Зингангег хүнд цохилтоор ялж байлаа.
Түүний дасгалжуулагч Эдуард Кравцов “Хүмүүс мэргэжлийн бокст эрт орлоо гэж байгаа ч бид Токиогийн олимпын дараа урт завсарлага хийхгүй байхаар шийдсэн. Альберт олимпын аварга болсноор маш олон уулзалт, шоунд оролцож байна. Үүнээс болж бэлтгэл алдагдах аюултай. Хэрэв 11-нд тэр ялах юм бол WBO-гийн шилдэг 15 боксчны жагсаалтад орно. 12 дугаар сард мэргэжилд дахин нэг тулаан хийнэ. Бид Альбертыг WBO, IBF холбоогоор чансааг нь ахиулах төлөвлөгөөтэй байгаа” гэж сэтгүүлчдэд мэдээллээ.
Холбоотой мэдээ
Сэтгэгдэл ( 1 )
Мэргэжилын бокст танил тал, таарсан тоглолт, дэмждэг Дэлхийн бокст нөлөө бүхий хүн байгууллага, компани, клуб, лобби бүлэг гээд олон юм байж байж тоглож амжилт гаргаж мөнгө олж , боксоороо амьдардаг болохоос Цэндбаатар шиг таарахгүй тоглолттой, танил тал, дэлхийн дэмжлэг байхгүй амьтан давхиж ороод нэг их мундаг мөнгө олоод амьдраад явна гэж байдаггүй юм шүү дээ