Хан-Уул: Туул голын эрэг дагуу “Эко зурвас”-тай боллоо

2020 оны 09 сарын 24

Хан-Уул дүүргийн 19 дүгээр хорооны нутаг дэвсгэр дэх Зайсангийн гүүрнээс 20 дугаар хорооны “Мишээл экспо худалдааны төв” хүртэлх  “Эко зурвас” буюу 1,6 км урт гүйлт, дугуйн зам өнөөдөр ашиглалтад орлоо.

Туул голын эрэг дагуу ашигладаггүй зам талбайд гүйлтийн болон дугуйн зам бүхий “Эко зурвас” ашиглалтад орсноор иргэд чөлөөт цагаа ая тухтай аюулгүй орчинд амарч зугаалах нөхцөл бүрдлээ.

“Эко зурвас”-ыг  дүүргийн хөрөнгө оруулалтаар 1,6 км урт зам,  2,4 метр өргөнтэй дугуйн зам, 1,5 метр өргөнтэй гүйлтийн зам, замын хашлага, амрах талбайтай зохион байгуулагдсан.

Цаашид дүүргийн зүгээс иргэдийнхээ аюулгүй, эко орчинг бүрдүүлэхийн тулд камержуулалт, гэрэлтүүлэгийн ажлыг эхлүүлэхээр төлөвлөн ажиллаж байгаа бөгөөд тус замыг үргэлжлүүлэн Яармагийн гүүртэй холбох ажил үргэлжлэн хийгдэнэ.

Эх сурвалж: Хан-Уул дүүргийн Засаг даргын Тамгын газар




 

Сэтгэгдэл ( 1 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Irgen(202.9.46.131) 2020 оны 09 сарын 24

ЯВГАН АЛХАГЧДЫГ ЗАМ БОЛЖЭЭ

1  |  0
Top