Б.Төртогтох Исэноүми дэвжээнд орлоо

Японы сүмо бөхийн холбооноос энэ сарын 8-нд Намрын тэмцээний шинэ бөхийн үзлэгийн дүнг зарлалаа. Энэ удаад ганцхан шинэ бөх шалгалтад орсон нь монгол залуу байлаа.

Баттогтохын Төртогтох 23 настай. 181 см өндөр. 134 кг жинтэй. Тэрбээр Тоттори Жохоку ахлах сургуулийг төгсөөд, Доошишия Их сургуульд суралцан, энэ жилийн гуравдугаар сард төгссөн. Өнгөрсөн жил 4-р дамжаанд байхдаа их, дээд сургуулийн аваргын тэмцээнд багийн ахлагчаар оролцож, багийн тэмцээнд хүрэл медаль хүртэж байлаа. 11 сараас маэзүмо барилдаж, нэгдүгээр сараас жонокүчид орох юм.