Г.Баярсайхан Волейболын холбооны генсекээр томилогдлоо

Монголын волейболын холбооны Удирдах зөвлөлийн ээлжит хурал энэ сарын 13-нд болж, Ерөнхий нарийн бичгийн дарга С.Нэргүйбаатар эрүүл мэндийн шалтгаанаар чөлөөлөгдөх хүсэлт гаргасныг хэлэлцэн, түүнийг өөрийнх нь хүсэлтийн дагуу чөлөөлжээ. Түүний оронд Монголын волейболын холбооны дасгалжуулагчдын зөвлөлийн даргаар ажиллаж байсан Г.Баярсайханыг томилсон байна. С.Нэргүйбаатарын хувьд цаашид холбооны Удирдах зөвлөлийн тэргүүлэгчээр ажиллах аж. 

Монголын волейболын холбоог Ц.Баярбаатар тэргүүлдэг ба энэ удаагийн хурлаас Тэргүүн дэд ерөнхийлөгчөөр "Алтан түнш" IDC пропорти ХХК-ийн ерөнхий захирал Т.Баярхүүг томилжээ. 

Шинээр томилогдсон ерөнхий нарийн бичгийн дарга Г.Баярсайхан "Уурхайчин" клубын дасгалжуулагчаар олон жил ажиллаж, Монголын шилдэг баг, тамирчдыг төрүүлсэн туршлагатай мэргэжилтэн билээ.