Эрдэнэт үйлдвэрийн жилийн гагнуурын хэрэгцээг хангах электрод үйлдвэрлэжээ

Орхон аймагт шинэ технологи нутагшуулж, инновацийг төлөвшүүлж, ажлын байр бий болгох зорилгоор тус аймгийн Засаг дарга Д.Батлутын санаачилгаар “Эрдэнэт шинжлэх ухаан технологийн парк”-ыг жилийн өмнө байгуулсан. Энэ хугацаанд  эрдэмтдийн баг гагнуурын электродын үйлдвэрийг байгуулсан бөгөөд “Эрдэнэт үйлдвэр” ХХК-ийн нэг жилийн гангийн гагнуурын хэрэгцээг бүрэн хангах хэмжээний электродыг нийлүүлэхээр болжээ. Мөн “Оюу толгой” ХХК-тай хамтран ажиллахаар болсон бөгөөд удахгүй “Оюу толгой” ХХК-ийн төлөөлөл Эрдэнэт хотод хүрэлцэн ирж “Эрдэнэт-шинжлэх ухаан технологийн парк”-ийн үйл ажиллагаатай танилцан хамтын ажиллагааныхаа талаар ярилцах гэнэ.     Орхон аймгийн Засаг дарга Д.Батлут холбогдох байгууллагууд “Эрдэнэт үйлдвэр” ХХК-ийн хаягдлын далангийн цагаан тоосны талаар арга хэмжээ авч ажиллахыг энэ талаар долоо хоног бүр мэдээлж байх үүрэг өгчээ.

А.Эрдэнэ

www.zindaa.mn