М.Энхболд өөртөө хариуцлага тооцжээ

"Дүнжингарав-2018″ уралдаан зохион байгуулснаас үүдэж, нийгэмд Монголын морин спорт уяачдын холбооны удирдлагуудад хариуцлага тооцох тухай яриа шүүмж ихээр өрнөсөн. Уралдааны үеэр олон зөрчил гарсан бөгөөд буруутай хүмүүст хариуцлага тооцохыг Ерөнхий сайд У.Хүрэлсүх Онцгой байдлын сайд Ө.Энхтүвшинд үүрэг болгосон билээ. Энэ дагуу тодорхой арга хэмжээнүүд авагдсаны нэг нь зуны тэргүүн сар болтол ямар ч уралдаан зохион байгуулахгүй байхаар зохицуулсан.

Гэвч нийт 16 хүүхэд мориноос унаж,  хоёр  нь машин мөргөж унасан, нар шингэсэн хойно уралдаан зохион байгуулсанд олон олон нийт бухимдаж, Морин спорт уяачдын холбооны удирдлагууд хариуцлага хүлээх ёстой гэх байр суурийг илэрхийлж байгаа билээ. Харин Морин спорт уяачдын холбооны тэргүүн, УИХ-ын дарга М.Энхболд өөрийнх нь эзгүйд энэ уралдаан зохион байгуулагдсан бөгөөд буруутай этгээдэд хариуцлага тооцно гэж мэдэгдээд байсан. Энэ мэдэгдлийнхээ дараа тэрбээр МСУХ-ны ерөнхийлөгчийн албанаас өөрийн хүсэлтээр чөлөөлөгдөж байгаагаа мэдэгдсэн байна. Тэр "Энэ удаагийн уралдааныг зохион байгуулахад оролцоогүй ч гэсэн үүссэн нөхцөл байдалтай уялдуулан хариуцлага хүлээж байна” гэжээ.