Таканоива сумодоо эргэн ирнэ
Японы мэргэжлийн сумо бөхийн их аварга Харумафүжи Д.Бямбадорж, Таканоива А.Баасандоржийн толгойд гэмтэл учруулсан хэрэг олны анхаарлын төвд нэг хэсэг байсан юм. Улмаар Харумафүжи Д.Бямбадорж хийсэн хэрэгтээ уучлалт гуйн, ояката /багш/ Исэгахамагийн хамт зодог тайлах болсноо мэдэгдэж байсан. Үүнээс хойш багагүй хугацаа өнгөрөөд байгаа юм.
Тэгвэл Хаврын башё эхлэх гэж байгаатай холбоотой мэдээллүүд хэвлэл мэдээллийн хэрэгслээр гарч эхэлжээ. Эдгээр мэдээллүүд дунд манай монгол бөх Таканоивагийн тухай мэдээллүүд цуварч байгаа аж. Түүний ояаката /багш/ Таканохана телевиз, сонинд ярилцлага өгөхгүй байсан юм. Гэсэн хэдий ч ояаката Таканохана өөрсдийн дэвжээний ивээн тэтгэгч нарын уулзалтад “Хаврын башёд Таканоива сумодоо иргэн ирж барилдах болсон” тухай зарлажээ.
Хэвлэл мэдээллийн хэрэгслээр албан ёсоор мэдэгдэл хийхгүй байгаад сэтгүүлч нар гайхширч байгаа аж. ТВS телевизийн “БИБИТО” өглөөний хөтөлбөрийн хөтлөгч Кокүбүн Тайчи хэлэхдээ "Ямарч байсан гуравдугаар сарын 11 нээс Осакад эхлэх башёд Таканоива барилдах нь байна. Түүний хэрхэн барилдахыг бүгдээрээ тэсэн ядан хүлээцгээе" гэжээ.
Энэ удаагийн башёд Кисэно Сато ёкозуна амралт авч байгаа аж. Тэрбээр 6 дахь башёдоо зүүн хөлний өвдөг нь гэмтэлтэй учир амарч байгаа юм байна.
Б.Янжиндулам
www.zindaa.mn
Холбоотой мэдээ
Сэтгэгдэл ( 1 )
Amagiin orond irj bgaa yum bizdee 5dabahuu