Салбар зөвлөлүүдээ шалгаж байна
Аймаг, нийслэл, яам, агентлагийн дэргэдэх Салбар зөвлөлүүдэд төрийн албаны тухай хууль тогтоомжийн хэрэгжилтэд хяналт тавих гэнэтийн шалгалтыг Төрийн албаны зөвлөлөөс хийж байна.
"Хариуцлага үр дүн"-гийн жилийн хүрээнд 2018 оны ээлжит гэнэтийн шалгалтыг Хэнтий, Дорнод, Баян-Өлгий аймгуудаас эхэлж байна. Төрийн албаны зөвлөлөөс томилогдон ажиллаж байгаа шалгалтын хэсгүүд аймаг дах Салбар зөвлөлөөс зохион байгуулж байгаа төрийн захиргааны болон үйлчилгээний удирдах ажилтны сонгон шалгаруулалтын бүртгэл, явцад хяналт тавихын зэрэгцээ арга зүйн удирдлагаар хангаж, хууль эрх зүйн зөвлөгөө өгч байна.
Шалгалтын явцад төрийн албан хаагчдыг томилсон томилгоотой нэг бүрчлэн танилцаж, төрийн захиргааны болон үйлчилгээний удирдах албан тушаалтнаар ажиллаж байгаа албан хаагчдын судалгаанд түшиглэн, түр орлон гүйцэтгэгчээр ажиллаж байгаа зөрчлийг арилгуулах, сул орон тоог нөхөх арга хэмжээг шуурхай удирдлагаар ханган ажиллажээ.
Хууль тогтоомж болон албан тушаалын чиг үүрэг зорилтоо хангалтгүй биелүүлсэн, төрийн албан хаагчдын зөрчлийн шинж байдлыг харгалзан сахилгын шийтгэл ногдуулах, төрийн албанаас чөлөөлөх, төрийн албанд эргэн орохгүйгээр халах тухай Төрийн албаны тухай хуулинд заасан байдаг. Орон нутагт ажиллаж байгаа Ажлын хэсгүүд шалгалтын дүнгийн талаар Зөвлөлийн хуралдаанд танилцуулах юм.
Холбоотой мэдээ
Сэтгэгдэл ( 3 )
Turiin albanii shalgalt uguugui humuusiig turiin albanid uureg guitsetgegcheer tomilohoo bolimoor bna. huduu oron nutagt jinhene ajil tsalgarduulagchid . sul tsalin avagchid
Төрийн албаны шалгалт өгөөгүй хүнийг төрийн албанд даргаар томилдог . Тэр хүн нь би тамга барьсан дарга хүн гэж хэтэрхий бардан танил хүмүүсээ төрийн үйлчилгээний ажлын байранд сонгон шалгаруулалтгүй ажилд авдаг . Хөдөө орон нутагт Төрийн хууль үйлчлэхгүй байна.
Төрийн албаны шалгалт өгөөгүй хүмүүсийг яагаад төрийн албанд ажилд аваад байдаг юм.Энэ чинь тэгээд хууль зөрчиж байгаа юм биш үү.Ах дүү хамаатан садангаа төрийн албанд шургалуулж байгаа хүмүүст хариуцлага тооцох хэрэгтэй