Гэмт хэргийг шуурхай илрүүлсэн алба хаагчдыг ШАГНАЛАА

Автор | Zindaa.mn
2017 оны 04 сарын 26

Нийслэлийн цагдаагийн газраас иргэдийн амар тайван байдлыг хангах, гудамж талбайд үйлдэгдэж буй гэмт хэрэг, зөрчлийг илрүүлэх, таслан зогсоох, урьдчилан сэргийлэх ажил, эргүүлийн үйл ажиллагааг эрчимжүүлэх зорилгоор энэ оны дөрөвдүгээр сараас эхлэн нэг сарын хугацаатай “Эргүүл” нэгдсэн арга хэмжээг нийслэлийн хэмжээнд эхлүүлээд байна.

Арга хэмжээний хүрээнд гэмт хэрэгтэй тэмцэх, нийтийн хэв журам сахиулах үүргээ нэр төртэй биелүүлж, орон байрны хулгайн гэмт хэргийг шуурхай илрүүлсэн Чингэлтэй дүүрэг дэх цагдаагийн хоёрдугаар хэлтсийн хэв журмын ажилтан, цагдаагийн ахмад Б.Отгонбаяр, цагдаагийн ахлах ахлагч Н.Наранбаатар, цагдаагийн дэд ахлагч Ц.Нямхүү, Б.Мөнхбаатар нарыг Нийслэлийн цагдаагийн газрын “Баярын бичиг”, мөнгөн шагналаар шагнаж урамшууллаа.
www.zindaa.mn

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top