“Бэлчээрийн ашиглалт хамгаалалт сайжруулах нь” сэдэвт сургалт болов

2017 оны 01 сарын 25

ХХААХҮЯ-ны харьяа “Аймаг дундын отрын бэлчээр ашиглалтын захиргаа”-ны мэргэжилтэн, албан хаагчдад зориулсан "Бэлчээрийн ашиглалт хамгаалалт сайжруулах нь" сэдэвт сургалт /2017.01.19/ тус яамны хурлын танхимд зохион байгуулагдлаа.

Сургалтад “Аймаг дундын отрын бэлчээр ашиглалтын захиргаа”-ны төв болон орон нутгийн нийт 14 мэргэжилтэн, албан хаагчид хамрагдаж, сургалтын хүрээнд бэлчээрийн менежментийг төлөвлөх, гарц даацыг тооцох, мониторинг хийх, түүнийг нөхөн сэргээх арга аргачлалыг эзэмшлээ. Мөн “Мал аж ахуйн хүрээлэн”, “Монголын бэлчээр ашиглагчдын нэгдсэн холбоо”, “Ногоон алт” төсөл, “Мал эмнэлэг үржлийн газар”-ийн мэргэжилтэн, доктор, профессор мэргэжлийн сургагч нар оролцож, мэргэжил арга зүйн зөвлөгөө өгөв.

Манай улсын бэлчээрийн даац  түүний тэжээллэг шимт чанар сүүлийн жилүүдэд эрс буурч байна. Энэ нь нэг талаас байгаль цаг уурын өөрчлөлт, малын өсөлттэй холбоотой хэдий ч нөгөө талаас бэлчээрийг зохистой ашиглах арга туршлагатай хүмүүс ховордсонтой холбоотой. Бэлчээрийн менежментийн талаарх мэргэжилтэн, малчдын мэдлэг чадавх сул байгаатай холбоотой юм. Иймд бэлчээрийн ашиглалт хамгаалалт хариуцсан ажилтнууд болон малчдын бэлчээрийн менежментийн талаарх мэдлэгийг дээшлүүлэх зорилгоор энэхүү сургалтыг зохион байгуулсан юм.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top