Хэлэлцүүлгээс гарсан зөвлөмж

“БОХИР УС ЦЭВЭРЛЭХ БАЙГУУЛАМЖИЙН ТЕХНОЛОГИЙН ШИЙДЭЛ, ЦААШДЫН ЧИГ ХАНДЛАГА”ХЭЛЭЛЦҮҮЛГЭЭС ГАРСАН ЗӨВЛӨМЖ

1. Хууль, эрх зүйн орчныг боловсронгуй болгох чиглэлээр:

• Хот, суурины ус хангамж, ариутгах татуургын ашиглалтын тухай хуульд нэмэлт, өөрчлөлт оруулж, шинэчлэн боловсруулах;
• Бохир ус цэвэрлэх байгууламжийн норм дүрэм,стандартыг өөрийн орны онцлогт тохируулан, олон улсын жишигт нийцүүлэн шинэчлэх, шинээр боловсруулах;
• Томоохон хөрөнгө оруулалтын төсөл, арга хэмжээг хэрэгжүүлэхдээ тендер шалгаруулалтын баримт бичигт технологийн шийдлийг тусгаж боловсруулах, /шаардлагатай тохиолдолд зураг төслийг гурван хэмжээст орчинд бодитоор гүйцэтгэхээр тусгах/;
• Төрөөс нийтийн аж ахуйн талаар баримтлах бодлогын баримт бичгийг боловсруулж, батлуулах.

1. Бохир ус цэвэрлэх байгууламжийн техник, технологийг шинэчлэх, шинэ дэвшилтэт технологи нэвтрүүлэх чиглэлээр:

• Монгол орны байгаль,цаг уурын нөхцөлд тохирсон,байгальорчинд ээлтэй, инновацид суурилсан лаг, тундасыг бүрэн боловсруулах, цэвэрлэсэн усаадахин ашиглах цэвэрлэх байгууламжийн технологийн шийдлийг судалж, сонгон нэвтрүүлэх;
• Хяналт шинжилгээний лаборатори, туршилт судалгааны баазыг бий болгох, алсын зайн удирдлагын системийг нэвтрүүлэх;
• НААҮ-ний салбарынинженерийн орон тооны бус мэргэжлийн зөвлөл
• байгуулан, үйл ажиллагааг нь зохион байгуулах;

1. Бүтэц, зохион байгуулалт, менежментийг боловсронгуй болгох чиглэлээр:

• Нийтийн аж ахуйн үйлчилгээ хариуцсанбайгууллагын бүтэц, зохион байгуулалтыг боловсронгуй болгох;
• Салбарын мэргэжилтэй боловсон хүчнийг бэлтгэх, давтан сургах, гадаад, дотоодод мэргэшүүлэх, орон нутагт мэргэжилтэй боловсон хүчнийг тогтвор суурьшилтай ажиллуулах нөхцлөөр хангах.

2016 ОНЫ 11 ДҮГЭЭР САРЫН 24

УЛААНБААТАР ХОТ