МАХН-ын дарга Н.Энхбаяр тэргүүтэй 14 хүн өнгөрсөн өдрүүдэд нойтон өлсгөлөн зарлаж, өчигдөр нэр дэвшигчдийнхээ бүртгэлийг Сонгуулийн Ерөнхий хороонд хүргүүлсэн. Тэгвэл өнөөдөр МАХН-ын  нэр бүхий гишүүд мэдээлэл хийж, намын гишүүнчлэлээсээ албан ёсоор татгалзаж буйгаа мэдэгдлээ.

Тэд Н.Энхбаяр даргын энэ үйлдлээс шалтгаалж, нэр дэвшигчид нь тойрогтоо штабаа байгуулах, орон нутагт бэлтгэлээ базаах ажлууд нь  хоцорч байгаад бухимдан ийн намаа орхиж байгаа аж. Түүнчлэн Н.Энхбаяр даргыг зөвхөн өөрийнхөө төлөө  бусдын амь насыг аюулд оруулан өлсгөлөн зарлаж байхын оронд МАН-тай нэгдэн сонгуульд  оролцох арга замыг хайх хэрэгтэй байсныг ч хэвлэлийн хурлын үеэр онцоллоо.

Дээрх нэр бүхий 18 гишүүн Н.Энхбаяр даргыг заавал өлсгөлөн зарлаж, хугацаа алдах шаардлагагүй гэж ятгасан ч хүлээж аваагүй аж.

eagle.mn