Т.Ганболд ХҮН-ыг толгойлно

Нэг хэсэг хоёр даргатай болоод, сүүл рүүгээ бүр даргагүй болох шахаад байсан ХҮН-ын асуудал нэг тийшээ цэгцрэв бололтой. Намын төв хорооны гишүүдийн олонхийн саналаар намын дарга болсон С.Ганбаатар өмнө нь Улсын дээд шүүхэд намын даргаар бүртгүүлэх хүсэлтээ өгсөн ч шүүх татгалзсан хариу өгсөн. Мөн н.Доржханд тэргүүтэй хэсэг нөхөд Г.Найдалааг намын шинэ дарга нь хэмээн зарласнаар байдал улам хурцдаж, Дээд шүүхээр асуудлаа шийдүүлсэн ч дээрх хоёр эрхмийн хэнийг нь ч намын даргаар бүртгэж аваагүй тул тус нам өөрсдөө нэг шийдэлд хүрэх шаардлагатай болсон билээ.

Харин  өчигдөр ХҮН-ын Төв хорооны гишүүд албан ёсны хурлаа хийж, уг хурлын үеэр намын дарга С.Ганбаатар өөрийн хүсэлтээр намын даргын үүрэгт ажлаасаа чөлөөлөгдөн түүний оронд намын шинэ даргаар Т.Ганболдыг 98 хувийн саналаар томилжээ. “Алтан дорнод Монгол” компанийн захирал Т.Ганболд нь өмнө нь олон хүнд төслүүдийг гацаанаас гаргаж, амжилттай хэрэгжүүлж чадсан чадварлаг удирдагч төдийгүй, бизнесийн салбарт бодитой баялаг бүтээгч гэж намынхан нь үзсэн гэнэ. - See more at: http://www.wikimon.mn/content/67599.shtml#sthash.W7Rc5JuO.dpuf