Ц.Нямдорж: УИХ нь тараад Засгийн газар нь зайлбал таарна

Өнөөдрийн УИХ-ын чуулганаар Ц.Нямдорж гишүүн төмөр замынасуудалтай холбоотойгоор үг хэлсэн нь олны анхаарлыг татлаа. Тэрбээр "Засгийн газар төмөр замтай холбоотой асуудлаа жичэд нь авч үзэх ёстой. Алийн болгон Монголын төр нэг этгээдээр ингэж хорлуулах юм. Төмөр замын асуудал маш тодорхойгүй байдалд орлоо. Улсын эдийн засгийн гол хөдөлгөөн Гашуун сухайтаар дамжина, үнийг үзсээр харсаар байж экспорын төмөр замын асуудлыг шийдэхгүй байгаа чинь ямар учиртай юм. Нэг этгээд өмнө нь цагаан тугаа барьчихаад нэг этгээд Монголын төрөөр хэдэн үе дамжуулаад тоглох юм уу. Үүнийг УИХ-ын гишүүд нь чимээгүйхэн ширээний доогуур харцаа шидчихээд суугаад байх юм уу.

Нэг этгээд хоёр Их хурал, гурван Засгийн газар дамнуулан хорллон сүйтгэх ажиллагаа хийж байна.  Яагаад ийм юман дээр монголын төр анхаарал хандуулдаггүй юм. Энэ цаашдаа юунд хүргэх юм. Ирээдүнй Монголын төлөө санаа тавьж, зориг зүрх гаргаж чадахгүй юм бол УИХ тарах хэрэгтэй,үхсэнээ хийж энд сууж байдаг юм. Төмөр замын асуудлаа Үндэсний аюулгүй байдлын зөвлөл дээрээ ярь. Ингэхгүй бол төмөр замын далан барихад өнгөрсөн хугацаанд хийсэн зарцуулсан хөрөнгө оруулалт усанд идэгдээд дуусна.

Дөрөв таван жилийн өмнө төмөр замыг хувийн хөрөнгөөр барихаар болж, хөрөнгөө оруулсан хүмүүст төр нь мөнгийг нь өгөхгүй амиа егүүтгэх үйлдэл хийгээд байж байна, Ийм асуудлыг шийдэж чадахгүй юм бол УИХ нь тараад Засгийн газар нь зайлбал таарна" гэж ширүүхэн хэллээ.