Б.Бямбасайхан “Эрдэнэс МГЛ” компанийн гүйцэтгэх захирал боллоо

“Эрдэнэс МГЛ” компанийн өмнөх гүйцэтгэх захирал болох О.Сайнбуяныг үүрэгт ажлаас нь чөлөөлж, олонд Б.Бямбасайханыг томилсон байна. Уг томилгоог өчигдөр болсон Засгийн газрын ээлжит бус хуралдаанаар хийжээ.

Б.Бямбасайхан нь 2012 оны 12 сараар Монголын бизнесийн зөвлөлийн ТУЗ-ийн даргаар сонгогдон ажиллаж байсан бөгөөд Улаанбаатар хотод хөрөнгө оруулалт, төслийн менежмент, санхүүгийн зөвлөгөө өгдөг НоваТерра ХХК-д үүсгэн байгуулагч захирлаар ажилладаг байна. Түүний удирддаг тус компани нь Монгол Улсад уул уурхай, эрчим хүч , үл хөдлөх хөрөнгө мөн дэд бүтцийн төслүүдэд хамтран хөрөнгө оруулах болон хөгжүүлэх үйл ажиллагаа явуулдаг байна. Мөн хувиараа бизнес эрхлэгчид, томоохон корпрацууд, Засгийн Газар, санхүүгийн байгууллагууд болон хувийн хэвшлийн байгууллагуудад зөвлөгөө өгдөг. Мөн Б.Бямбасайхан нь эрчим хүчний хэмнэлттэй барилга, сэргээгдэх эрчим хүчний технологийг нэвтрүүлдэг Гэйтвэй Девелопмент Монголиа Компанийн ТУЗ-ийг удирддаг байна.