”Хүүхэлдэй” УСК-г үзэгч залуучууд тэсэн ядан хүлээж байна

"Кино цамхаг " студийн 2015 оны шинэ уран бүтээл " ХҮҮХЭЛДЭЙ "адал явдалт аймшгийн уран сайхны кино 1- р сарын 22 ноос үзэгчдийн хүртээл болох гэж байна.

 Яг нэг жилийн өмнө " Кино цамхаг " студийн залуус " Зоорь "3D уран сайхны аймшгийн киног хийж хүүхэд залуусын таашаалыг хүртэн үзэгчдийг байлдан дугуулж байсан билээ.Энэ удаагийн "Хүүхэлдэй "кино ч гэсэн үзэгчидийн хамгийн их хүсэн хүлээж буй кинонуудын нэг болоод байна. Киноны зохиол нь аймшгийн төрлөөр бичдэг цорын ганц зохиолч гэж болох Ц.Ууганбаярын "Зоорь2" номонд багтсан бөгөөд уншигч залуусын талархлыг хүлээж борлуулалтаараа тэргүүлсэн юм.

 Жүжигчдийн багийн хувьд гол дүрд "Мөрдөгч","Хүүгүй ломбард"," Улаан дөрвөлжин","Фейсбүүк од"зэрэг киногоор нь үзэгчид сайн мэдэх болсон жүжигчин Н.Мөнхсоёл, "Хэцүү анги" киноны Сүнжид багш буюу жүжигчин М.Саранцэцэг/МУСТА/,мөн жүжигчин Ө.Мөнгөнтулга/МУСТА/ зэрэг 30 гаруй авьяаслаг жүжигчид оролцон тогложээ.

 Киноны найруулагчаар " Зоорь" киног найруулсан Б.Цогт-Эрдэнэ,зураглаачаар "Ээжээ надтай гэрлээч","Мөрдөгч" зэрэг олон кинонд тоглосон авьяаслаг жүжигчин Б.Анхбаяр / МУСТА/,зураач Т.Гэлэгжамц,хөгжмийн зохиолчоор "Нисванис "хамтлагийн ахлагч Л.Энх-Амгалан,компьютер графикчаар "Аравт","Бодлын хулгайч " зэрэг кинонд ажиллаж байсан Ч.Түвшинтөгс,зургийн даргаар жүжигчин М.Саранцэцэг /МУСТА/,нүүр хувиргалтаар "Hoze”s makeup "студи нар ажиллажээ.Мөн уг кино хоёр  дуутай бөгөөд дуучин Б.Солонго "Хүүхэлдэй" ost,"Rec on" хамтлаг "Хар тэнгис" ost нар юм.Кино багийнхан нүүр хувиргалтын тал дээр маш сайн баг сонгож залуусын дунд нэлээн нэрд гараад байгаа "Hoze”s make up"студийг ажиллууснаар кинонд олон сонирхолтой нүүр хувиргалтууд гарах ажээ.

 "Хүүхэлдэй" адал явдалт аймшгийн киноны бас нэгэн сонирхууштай хэсэг бол хотын төвд том оврын цемент зуурагч машин зорчигч дүүрэн автобусыг мөргөж буй ослын хэсэг юм.Ослын зураг авалтыг бодит зураг,компьютер график хослуулан хийсэн бөгөөд яг л бодит мэт болсон нь үзэгчдийг гайхшруулах бас нэгэн хүчин зүйл болжээ.