“Нью Капитал” компанийн зөвшөөрөлгүй барилгыг албадан нураалаа

Нийслэлийн Баянгол дүүргийн 40 дүгээр сургуулийн хашаан дахь “Нью Капитал” компанийн зөвшөөрөлгүй барьсан барилгыг өнөөдөр дүүргийн холбогдох албаныхан хүчээр буулгалаа. “Нью Капитал” компани уг сургуулийн хашаанд түр үйл ажиллагаа явуулах зөвшөөрлийг анх 2009 онд аваад, билльяард, теннисний газар байгуулан, өнөөдрийг хүртэл үйл ажиллагаагаа явуулж байсан юм байна. Өнгөрсөн хугацаанд дүүргийн газрын албаны зүгээс объектыг буулгах албан шаардлагыг удаа дараа өгч байсан ч тус компанийнхан биелүүлэлгүй өнөөг хүрчээ. Иймд өнөөдөр дүүргийн холбогдох хүмүүс уг барилгыг хүчээр буулгасан байна.