Томоохон захуудыг нүүлгэх саналыг дэмжжээ

“Авто замын түгжрэлийг бууруулах, нэгдсэн удирдлагаар хангах” ажлын хэсгийнхэн нийслэлийн замын хөдөлгөөний ачааллыг бууруулахаар томоохон зах, худалдааны төвүүдийг хотоос нүүлгэн шилжүүлэх тухай хүсэлтийг иргэдээс авчээ. Санал асуулгад оролцсон иргэдийн 88 хувь нь энэ саналыг дэмжсэн байна. Тиймээс худалдааны төвүүдийг хотоос нүүлгэх талаар ажлын хэсэг зөвлөлдөж, тухайн бүсийн замын хөдөлгөөн, автомашины зогсоолд судалгаа хийж, нүүлгэн шилжүүлэх газар, байршлыг тогтоохоор ажиллаж эхэлжээ.