Эмэгтэйчүүдийн сургалт Увс аймагт болно

Жил бүр Монголын эмэгтэйчүүдийн холбооноос зохион байгуулдаг энэ удаагийн ээлжит сургалтыг Увс аймагт зохион байгуулахаар болжээ. Тус зуны сургалт энэ сарын 5-наас эхлэх юм байна. Мөн Дархан-Уул аймгийн Эмэгтэйчүүдийн холбооноос уг сургалтад Удирдах зөвлөлийн гишүүн Б.Алтанцэцэг тэргүүтэй 10 хүний бүрэлдэхүүнтэй баг оролцохоор болжээ. Сургалтын үеэр Тэрхийн цагаан нуур, Тэлмэн, Хяргас, Увс нууруудын эрэгт хоноглож, байгалийн сайхантай болон түүх дурсгалт газруудтай танилцах ажээ.