С.Ламбааг Н.Хүрэлбаатарын хэрэгтэй холбогдуулан шалгажээ

Эрүүл мэндийн сайд асан С.Ламбааг Н.Хүрэлбаатарын хэрэгтэй холбогдуулан шалгаж байгаа гэх мэдээлэл өчигдөр хэвлэлээр тарсан. Тэгвэл Эрүүл мэндийн сайд асан С.Ламбааг УМБГ-аас дуудаж уулзсан нь үнэн гэнэ. Түүнээс Эрүүл мэндийн сайд асан Н.Хүрэлбаатар, төрийн нарийн бичгийн дарга асан Н.Түмэндэмбэрэл нарын талаар асуусан бөгөөд Хамт ажиллаж байсны хувьд тэдний зан төлөв, ажлын хандлага, харилцааны талаар асууж тодруулсан юм байна. Тэрбээр сайд байсан хүний хувьд мэдээлэл өгөх үүрэгтэй учраас дуудсан үед нь очиж уулзжээ. Түүнийг Эрүүл мэндийн яаманд сайдаар ажиллаж байх үед Н.Хүрэлбаатар төрийн нарийн бичгийн даргынх нь ажлыг хашиж байсан билээ.

Харин Н.Түмэндэмбэрэлийн хувьд санхүү, хөрөнгө оруулалтын дарга хийж байгаад С.Ламбааг ажлаа өгсөний дараа Н.Хүрэлбаатарыг сайд болоход Төрийн нарийн бичгийн даргаар томилогдсон аж.