Элсэлтийн ерөнхий шалгалт эхэллээ

Боловсрол шинжлэх ухааны яамнаас 2013 оны элсэлтийн ерөнхий шалгалтын хуваарийг баталсан дагуу өнөөдөр их, дээд сургуульд элсэгчдийн ерөнхий шалгалт эхэлж байна. Бүртгүүлэгчид шалгалтад орохдоо бүртгэлийн хуудсаа баталгаажуулсан байх, суудлын хуваарь, бүрэн дунд боловсролын үнэмлэх, иргэний үнэмлэхээ авч ирнэ. Харин насанд хүрээгүй хүүхдүүд өөрсдийн оршин сууж буй орон нутгийн Засаг дарга, эсвэл сурч буй сургуулийн захирлын гарын үсэг, тамгаар баталгаажуулсан, сүүлийн гурван сард авахуулсан өнгөт цээж зурагтай төрсний гэрчилгээний хамтаар авч ирнэ.

Шалгалтад орохдоо хариултын хуудсыг хар, хөх өнгийн үзгэн балаар бөглөнө. Хэрэв хуудсан дээр өөр тэмдэглэгээ хийсэн бол тухайн даалгаврын хариу хүчингүй болно. Шалгалтын заал, танхимд цүнх, гар утас, тооны машин, томъёоны таблиц, ноорог цаас зэрэг зүйлс авч орохыг хоригложээ.