Жүжигчин бүсгүйчүүдээр цайгаа чануулсан адтай найруулагч

УДЭТ-ын сайхан хүүхнүүдийн нэг болох жүжигчин Т.Хулан анх “Сарны нулимс” олон ангит кинонд тоглосноор “Х-Түц” продакшны уран бүтээлчдийн анхаарлыг татсан. “Хориотой жүжиг”-ээр эхэлсэн түүний уран бүтээлийн гараа хошин урлагаар төдийлөн удаан үргэлжлээгүй. Харин уран сайхны хэд хэдэн кинонд тоглосныхоо дараа УДЭТ руу урваж одсон жүжигчин бүсгүй өдгөө ч тэндээ харьяалагдаж буй. Өөрт нь сэтгэл алдарсан олон залуусын зүрхийг зүсэн байж гавьяат жүжигчин Г.Дашхүү агсны хүү буюу найруулагч Д.Галбаяртай дэр нэгтгэсэн Т.Хулан хөөрхөн хүүгийн ээж болсон түүхтэй.

Хэдэн насаар ах төдийгүй тийм ч царайлаг бус гэгддэг найруулагч нөхөр нь дагавар охиноо Т.Хулангаас нуугаагүй аж. Залуу бүсгүй ч хүүхдүүдтэйгээ хүний, өөрийн гэж ялгалгүй харьцдаг агаад “Төрсөн эхтэй нь хааяа ч болов, уулзуулах юмсан” гэж бодож явдгаа нуудаггүй юм билээ. Хөөрхөн Т.Хулангийн хайрыг татсан азтай эр урьд нь гавьяат жүжигчин Л.Баттулгын залуу эхнэр Н.Оюунчимэгтэй ханилж явсан гэдэг. Жүжигчин бүсгүй охиноо эцэгт нь үлдээгээд Аглуугийн гэрт тухалсан бөгөөд өнөө хэр нь эргэж тойрдоггүй болохыг Т.Хулан нэгэн ярилцлагадаа дурджээ. Т.Хулангийн тухайд тун ухаалаг шийдвэр гаргаж, хойд эх болсондоо огтхон ч харамсдаггүй гэдэг. Том охиных нь төрсөн ээж болох жүжигчин Н.Оюунчимэг гавьяаттай ханилаад хоёр ч охинтой болсон бөгөөд одоо “Х-Түц” продакшны “хойд ээж”-ээр тодроод байгаа. Ингээд урлагийн сайхан бүсгүйчүүдээр цайгаа чануулсан азтай эр Д.Галбаярын зургуудаас сонирхуулья.