Жүжигчин Н.Ялалт мэргэжил нэгтнүүддээ бухимдав уу

Шоу нэвтрүүлэг хөтлөн, орчуулгын кинонд дуу оруулж, реклам сурталчилгаа болон кино, жүжгийн урилгад дарагдах дөхөж яваа Н.Ялалт тун ч шударга нэгэн. Ямар сайндаа л, олон ажил зэрэг амжуулах гээд зүдэрч явах үедээ Нийслэлийн захирагч буюу Улаанбаатар хотын дарга Э.Бат-Үүлийн гаргасан шийдвэрт дургүйлхэж, автомашины дугаарын хязгаарлалтыг эсэргүүцэж байхав.

Тэгвэл жүжигчин залуугийн бухимдал үүгээр дуусгавар болсонгүй. Саяхан тэрбээр өөрийн цахим хуудсанд нэгэн зүйлийг бичиж үлдээсэн нь олон хүний гайхлыг төрүүлсэн бөгөөд Н.Ялалтыг мэргэжил нэгтнүүддээ бухимдлаа илэрхийлсэн байх хэмээн таамаглаж байгаа аж. Жүжигчин залуу “Өөрсдөө дөнгөж төгссөн оюутан байгаагүй юм шиг дүү нараа дарамталсан хүмүүсийг харахаар уур хүрээд байх юм. Олигтой юм хийгээгүй байж хүн дээрэлхэхийг ямар сайн хийж байнаа. Өмнөөс нь ичиж үхэх шахлаа” хэмээн бичсэн бөгөөд хэнийг ч ялгалгүй харьцаж сурахыг дээрэлхүү нөхдөд сануулжээ.