Лениний музейн маргааныг шүүх хурал болно

Лениний музейн өмчлөлийн маргааныг шийдвэрлэх анхан шатны шүүх хурал өнөөдөр Чингэлтэй дүүргийн шүүхэд 13:00 цагт болох гэж байна. Урт удаан хугацаанд намын өмчлөлд ашиглагдсаар ирсэн В.И.Лениний музейг Үлэг гүрвэлийн музей болгон ашиглахын тулд шүүхийн шатанд хэргийг хэлэлцсээр байгаа билээ. Анхан шатны шүүх хуралдаан ашиглагч тал болох МАН-ын хүсэлтээр дөрвөн удаа хойшилсон юм. Энэ удаагийн шүүх хуралд Соёл, спорт, аялал жуулчлалын яамны Хуулийн мэргэжилтэн Т.Энхбаяр, Төрийн өмчийн хорооны итгэмжлэгдсэн төлөөлөгч, музейн ашиглагч тал болох МАН-аас Хэрэг эрхлэх газрын дарга Ш.Раднаасэд оролцох ажээ.