Баянхонгорт дахиад л мөнгөн ус илэрлээ

Баянхонгор аймгийн Баянхонгор сумын I багийн нутаг дэвсгэрт үйл ажиллагаа явуулдаг “Мичид марал” үйлчилгээний төвийн байранд хууль бус, гар аргаар мөнгөн усаар алт хайлуулах үйл ажиллагаа явуулж байсныг олж илрүүлжээ. 
Тус объектод Mini-melting Furnace маркын хайлуулах зуух байрлуулж зуухны дээд хэсэгт 70 х 1.2 метрийн агааржуулагчийг 80 см орчим урттай хоолойд холбож агаар сорогч буюу винтлятороор мөнгөн усны ууршсан хэсгийг гадагшлуулдаг байдлаар ашигладаг нь тогтоогдсон байна.

Тиймээс аймгийн Засаг даргын захирамжаар мөнгөн ус илэрсэн объектоос 150 метр радиуст байрлах сургууль, цэцэрлэг, хүнсний зах, худалдаа үйлчилгээний байгууллагуудын үйл ажиллагааг  түр  зогсоожээ.ОБЕГ-ынхан түр хугацаагаар хаагдаад буй сургууль, цэцэрлэг, худалдааны захыг хэвийн ажиллах нөхцлийг нь яаралтай бүрдүүлж, химийн хорт бодисын хор уршгийг арилгах, тархалтыг зогсоох, зэрэг яаралтай ажлуудыг хийж байна.