Олны танил хүмүүсийг цуглуулсан “Ларьдма” киноны нээлт

Амьдралын гашуун үнэн, эрээн бараан талыг илүү тодоор харуулсан “Ларьдма” уран сайхны киноны нээлт өнгөрөгч бямба гарагт “Тэнгис” кинотеатрт боллоо. Нээлтийн арга хэмжээг “ТВ-Коктейл” хамтлагийнхан хөтөлсөн бөгөөд олны танил уран бүтээлчдийг цуглуулж чадсан томоохон үйл явдал болсон юм. Дуучид, жүжигчид, найруулагч, загвар өмсөгчид гээд л тэнд хуран цугласан үзэгчдийн анхаарлыг татсан олон хүн энэхүү киног сонирхохоор иржээ.

“Ларьдма” киноны продюссерээр ажилласан Соёлын тэргүүний ажилтан, жүжигчин Б.Навчаа энэ үеэр “Монголын гэр бүлүүд битгий энэ кино шиг байгаасай” хэмээн чин сэтгэлийн үгээ уудалж зогссон бөгөөд амьдралд ухаарал, болгоомжлол хэзээ илүүдэхгүй, мөн хар гэдэг зүйл хайрыг хэрхэн үгүй болгож байдгийг ойлгож ухаараасай хэмээн үзэгч хосуудад захисан юм. Ингээд уг киноны нээлтийн арга хэмжээнд ирсэн зочдын зургуудаас сонирхуулья.

Р.Есүй