П.Жимсээ “Таван эрдэнэ”-ийн тайзан дээр СТА цол хүртлээ

Дуучин П.Жимсээ “Таван эрдэнэ” хэмээх анхны бие даасан уран бүтээлийн анхны тайлан тоглолтоо энэ сарын 1-нд Монгол бөхийн өргөөнд хийсэн.  Л.Лувсандоржийн шүлэг, З.Батсүхийн хөгжим “Таван эрдэнэ” дуугаар нэрлэгдсэн энэхүү тоглолтонд эрхэм дуучны маань уран бүтээлийн хамтрагчид болох МУСГЗ Б.Отгон, МУСТА Б.Пүрэвсүрэн, тэргүүтэй уран бүтээлчид оролцсон юм. Түүнчлэн МУУГЗ Г.Мэнд-Оёоо,  МУУГЗ Ч.Сангидорж, хөгжмийн зохиолч МУСГЗ Л.Балхжавын аяалгуу, сэтгүүлч, яруу найрагч МУСГЗ Ш.Гүрбазарын шүлэг “Өмөөрөх эх орон”, МУСТА Б.Пүрэвсүрэнгийн аяалгуу “Хослон жаргая”, Найданжавын шүлэг Баянмөнхийн аялгуу “Хайрын бороо”, Б.Лувсандоржийн шүлэг, 3.Батсүхийн аяалгуу “Таван эрдэнэ”, МҮОНТ-ийн бүтээл болох “Амьдрал чиний төлөө” хэмээх 70 ангит киноны дуу “Амьдрал жаргалын дуулал” гэх мэт монголын дууны урлагийн нэрт төлөөлөгч нарын сор болсон олон гайхалтай уран бүтээлүүдийг эгшиглүүлсэн юм.

Түүнчлэн тус тоглолтод Монгол улсын “Ятгын чуулга”, бүжгийн “Хатан туул” хамтлаг бүрэн бүрэлдэхүүнээрээ оролцсон билээ. Тэгвэл анхны бие даасан тоглолтоо амжилттай хийсэн дуучин бүсгүй маань ССАЖЯ-аас олгосон “Соёлын тэргүүний ажилтан” хэмээх цол тэмдгийг “Таван эрдэнэ”-ийн тайзан дээрээ хүртсэн нь үзэгч олныг ихээхэн баярлуулсан явдал болжээ.

Р.Есүй