Үхлийн замыг дөтлөх-RED BULL энергийн ундаа юу, аль эсвэл...?

Эрч хүч, энерги өгдөг гэх RED BULL ундаа Монголчуудын "танил" болсон бүтээгдэхүүн. Гэвч бид өөрсдийгөө сэргээх гэж, эрч хүч авах гэж, энергиэр өөрийгөө цэнэглэх гэж хэрэглэдэг эл "Үхлийн ундаа"-г  Франц, Денмарк зэрэг улсуудад худалдахыг хориглосон төдийгүй зах зээлээсээ шахан гаргажээ. Өөрөөр хэлбэл улсынхаа хилээр оруулахаа больсон гэсэн үг. Харин ороод ирчихсэн байгааг нь дэлгүүрийн лангуунаас хураан авч устгалд оруулсан байна.

RED BULL – таныг аажмаар үхэлд хүргэнэ...!!! Яагаад?

Энэхүү бүтээгдхүүн нь манай улсын бүхий л супермаркет, дэлгүүрийн лангуун дээр бий. Энэхүү бүтээгдэхүүний байнгын хэрэглэгч ч бий. Том хүн төдийгүй хүүхдүүд ч "дурладаг" ундаа.

Гэтэл энэхүү энергийн ундаа нь анхнаасаа л өдөр тутмын хэрэглээний зорилгоор үйлдвэрлэгдээгүй байна. Тодруулбал, RED BULL нь хүний биеийн хүчний болон стрессээс үүдэн ухаан нь балартсан тархийг сэргээх ганцхан зорилготойгоор бүтээгдсэн аж. Харин хэзээ ч өдөр тутмын ундаа эсвэл хийжүүлсэн ундааны зориулалттайгаар бүтээгдээгүй гэдгийг дахин анхааруулъя.

Одоо RED BULL-ийн рекламны талаар хэдэн үг хэлье. Эл ундаа нь тэсвэр хатуужлыг нэмэгдүүлэх, анхаарал төвлөрөлтийн бүтээмж болон хариу үйлдлийн хурдыг сайжруулж, илүү их энергийг бий болгож зан аашийг сайжруулдаг хэмээдэг. Үүгээр ч зогсохгүй дээрх бүх эрч хүчийг мянган жилийн хүчний ундаа болох нэг лааз RED BULL-ээс авах боломжтой хэмээн сурталчилан гарч ирсэн гэдгийг хүмүүс сайн мэдэж байгаа.

Гэхдээ реклам бол реклам шүү дээ. Зарим бүтээгдэхүүний реклам бодит байдлаар тэс өөр байдаг гэдгийг рекламаар сонголтоо хийдэг хүмүүс бэлээхэн мэднэ. Яг үүний нэгэн адил RED BULL ч бодит байдал дээр эрч хүч бэлэглэх биш харин шал өөр нөлөө үзүүлдэг ажээ.

RED BULL-ийг Франц болон Денмаркт үхэлд хүргэх коктайль гэдгээр нь хэрэглэхийг хориглосон ба бүтээгдэхүүний орцонд амин дэмүүдтэй хамт GLUCURONOLACTONE гэх маш аюултай химийн элемент орсон байдаг. Энэхүү химийн элемент нь Вьетнамын дайны үед цэргүүдийг дайны стрессээс болж хий үзэгдэл харж дэмийрэх үед тайвшруулах зорилгоор хэрэглэдэг байсан байна. Гэвч RED BULL-ийг хэрэглэсэн цэргүүдэд тун удалгүй тархины хавдар болон элэгний өвчин илэрч нас барж байжээ. Энэ нь RED BULL-ийн нөлөө гэдэг нь илт байсан аж.

Эл ундаа нь "хувьсгалын тохироо" бүрдсэн үед хүнийг шууд л үхэлд хүргэдэг байна.

1. Хэрэв та биеийн хүчний дасгал сургуулалт хийгээгүй тохиолдолд энэхүү ундааг хэрэглэх нь таны эрч хүчийг хэт нэмэгдүүлснээр зүрхний цохилтыг хурдасгаж, гэнэтийн харвалтын шалтгаан болдог.

2. Та тархиндаа цусны харвалтын эрсдэлд автаж болзошгүй, учир нь RED BULL нь өөртөө цусыг шингэрүүлэгч бодисыг агуулдаг ба үүний үр дүнд ердийн ажиллаж байсан зүрх тэрхүү хэмжээ нь ихэссэн цусны эргэлтийн ачааллыг даадаггүй тул цусыг жигд тараагаагүйн улмаас энэхүү хүндрэлийн шалтгаан болдог байна.

3. RED BULL-г архитай хамт хэрэглэх нь хориотой байдаг. Учир нь уг холимог нь шууд үхлийн тэсрэх бөмбөг болж энэ нь шууд элгэнд нөлөөлж гэмтээснээр тэр хэсэг дахин сэргээгдэх боломжгүй болдог.

4. RED BULL-ийн орцонд ордог  В12 амин дэмийг ухаан балартсан өвчтөнд хэрэглэдэг. Хэрэв та согтуу үедээ үүнийг хэрэглэвэл цусны даралт болон сэтгэл хөдлөл ихэсэж нөгөө ертөнцөд очих замыг дөтлүүлдэг аж.

Х.Амгалан