“Catwalk” хамтлагийн экс гишүүн Г.Марал оросын миссүүдтэй өрсөлджээ

Г.В. Плехановийн нэрэмжит ОХУ-ын худалдаа эдийн засгийн дээд сургуулийн Монгол дахь салбар сургуульд суралцдаг Г.Марал миссийн тэмцээнд өрсөлдөж байгаа аж. Нэгэн үе загвар өмсч, клипэнд тоглож явсан тэрбээр “Catwalk” хамтлагийн экс гишүүн байсан бүсгүй. Дуулж хуурдана гээд гэрийн бараа харах нь ховордож, элдэв янзын зураг авахуулж эхэлсэнд эцэг эх нь дургүйцсэн төдийгүй хамтлагийнхаа охидтой түнжин хагарсны улмаас тэр “Catwalk”-аа орхиход хүрсэн гэдэг.

Гэсэн ч тэрбээр алдаагүй, харин ч бүр оносон гэлтэй. Загвар өмсөгч Г.Марал өдгөө сургуулийнхаа сайхан бүсгүй шалгаруулах тэмцээнд  оролцож байгаа бөгөөд 100 гаруй охидтой өрсөлдөжээ. Орос, Монгол гоо бүсгүйчүүдээр хүрээгээ тэлсэн тус тэмцээнд өнөөдрийн байдлаар 30 оролцогч шалгарч үлдээд  байгаа аж. Г.Маралын хувьд  1991 онд төрсөн бөгөөд 178 см өндөртэй, 55 кг жинтэй юм байна.

С.Цахиур